قومی کرکٹ ٹیم کے وکٹ کیپر و بیٹر محمد رضوان کے ہاں تیسری بیٹی کی پیدائش ہوئی ہے۔
محمد رضوان نے سماجی رابطے کی ویب سائٹ ٹوئٹر پر اس خوشی کی خبر کو شیئر کرتے ہوئے لکھا کہ ’ پیارے نبی صلی اللہ علیہ وسلم نے فرمایا کہ اگر تم اپنی بیٹیوں کی پرورش کرو گے اور ان کا خیال رکھو گے تو جنت میں میرے ساتھ ہو گے۔
محمد رضوان نے ٹوئٹ میں مزید لکھا کہ ’ الحمداللہ، اللہ پاک کا بے حد کرم اور فضل ہے اس نے بیٹی جیسی نعمت سے نوازا ہے۔
The beloved Prophet Muhammad SAW said, if you provide for your daughters & take care of them, you will be with me in Jannah.
Alhumdulillah. Allah pak ka behad karam or fazal hai k us ne beti jasi rehmat se nawaza. Allah pak hum sab ko betiyo ka haq ada kerne wala banaye, Ameen. https://t.co/qrFYRwx5K9
— Muhammad Rizwan (@iMRizwanPak) January 27, 2023
وکٹ کیپر و بیٹر کا کہنا تھا کہ اللہ پاک ہم سب کو بیٹیوں کا حق ادا کرنے والا بنائے۔
قومی ٹیم کے کھلاڑی کے اس ٹوئٹ پر مداحوں کی جانب سے مبارکباد دینے کا سلسلہ جاری ہے، تاہم ملتان سلطان فرنچائز نے بھی کپتان کو مبارکباد دی ہے۔
ٹوئٹر پر پی ایس ایل 8 کی فرنچائز ملتان سلطانز نے رضوان کی جرسی جیسی چھوٹی جرسی کی تصویر شیئر کرتے ہوئے اپنے کپتان کو مبارکباد پیش کی۔
Congratulations to our Kaptaan on the newest addition to his family! #SultanSquad #LetsPlaySaeen@iMRizwanPak pic.twitter.com/flaDNiHCmI
— Multan Sultans (@MultanSultans) January 26, 2023
فرنچائز کی جانب سے کی گئی ٹوئٹ میں ملتان سلطانز کے کپتان محمد رضوان کو ان کی فیملی میں ایک نئے اضافے پر مبارکباد دی گئی ہے۔
