کراچی : پاکستانی ویمن کرکٹ ٹیم کی کپتان بسمہ معروف نے کہا ہے کہ ہم جنوبی افریقہ اور ویسٹ انڈیز کو ہرانے کی صلاحیت رکھتے ہیں، سری لنکا، ویسٹ انڈیز، جنوبی افریقہ اور انگلینڈ کی ٹیمیں پاکستان آکر کھیلیں۔

یہ بات انہوں نے میڈیا سے گفتگو کرتے ہوئے کہی، انہوں نے کہا کہ سب سے یہی کہنا ہے کہ وہ پاکستان آکر کھیلیں کیونکہ پاکستان میں عالمی کرکٹ پہلے ہی واپس آچکی ہے۔

قومی ویمنز ٹیم کی کپتان نے کہا کہ اب کسی بھی ٹیم کو پاکستان آنے سے انکار نہیں کرنا چاہیے، سری لنکا، ویسٹ انڈیز، جنوبی افریقہ اور انگلینڈ کی ٹیمیں پاکستان آکر کھیلیں۔

بسمہ معروف نے مزید کہا کہ انگلینڈ ویمنز ٹیم کی کھلاڑی پاکستان آنے کی خواہشمند تھیں، ہمارے لیے ویمنز ورلڈ ٹی20 کا گروپ زیادہ مشکل نہیں، ہم جنوبی افریقہ اور ویسٹ انڈیز کو ہرانے کی بھرپور صلاحیت رکھتے ہیں۔

انہوں نے کہا کہ پاکستان ویمن ٹیم کے لیے آسٹریلیا کی کنڈیشنز بڑا چیلنج ہیں، کھلاڑی اگر کنڈیشنز سمجھ لیں تو مشکلات نہیں ہوں گی۔