کراچی میں جاری قومی ویمن کرکٹ ٹیم کے تربیتی کیمپ میں شریک دو کھلاڑی بسمہ معروف اور غلام فاطمہ کی کار حادثے کا شکار ہوگئی، جس کے سبب دونوں کرکٹرز معمولی زخمی ہوگئیں۔
پی سی بی کے مطابق بسمہ معروف اور غلام فاطمہ کراچی میں جاری کیمپ کا حصہ ہیں اور جمعہ کی شب کار حادثے میں انہیں معمولی چوٹیں آئیں جس کے بعد انہیں ابتدائی طبی امداد فراہم کردی گئی۔
پاکستان کرکٹ بورڈ کے بیان میں کہا گیا ہے کہ دونوں کھلاڑیوں کے مقامی اسپتال میں احتیاطی ٹیسٹ کرائے گئے اور پی سی بی کا میڈیکل پینل ان کی دیکھ بھال کررہا ہے۔
ذرائع کا کہنا ہے کہ دونوں کھلاڑی جمعہ کی شب کراچی میں مقیم ایک ساتھی کرکٹرز کے ساتھ چائے پینے کی غرض سے ہوٹل سے نکلی تھیں کہ یوٹرن لیتے ہوئے گاڑی فٹ پاتھ سے جا ٹکرائی، حادثے میں دیگر پلیئرز محفوظ رہیں۔
آج جس مقام پر ہوں اس کی وجہ کون ہے؟ حارث رؤف نے بتادیا
ذرائع کے مطابق بسمہ اور غلام فاطمہ کی انجری بہت معمولی نوعیت کی ہے، جنہیں ضروری طبی امداد فراہم کردی گئی ہے۔
