کرپٹو کرنسی ’بٹ کوائن‘ کی قیمت ریکارڈ سطح پر پہنچ گئی ہے، یورپ میں فی بٹ کوائن 65,537 ڈالرز پر ٹریڈ کر رہا ہے۔
غیر ملکی میڈیا رپورٹس کے مطابق بٹ کوائن 65 ہزار ڈالر سے زائد کی ریکارڈ بلندی پر پہنچ گیا ہے، گزشتہ روز یہ دو سال کی بلند ترین سطح پر پہنچا۔
یورپ میں بٹ کوائن کی ابتدائی طور پر قیمت 65,537 ڈالر تک جا پہنچی ہے، جو ایشیائی ٹریڈ میں یہ دو سال کی بلند ترین سطح ہے، آخری بار بٹ کوائن 4 فی صد اضافے کے ساتھ 65,045 ڈالر پر تھا، جب کہ نومبر 2021 میں اس نے 68,999.99 ڈالر کا ریکارڈ بنایا تھا۔
رپورٹس کے مطابق بٹ کوائن مارکیٹ ویلیو کے لحاظ سے سب سے بڑی کرپٹو کرنسی ہے جس کی قیمت میں رواں برس 50 فی صد کا اضافہ ہوا ہے، اور زیادہ تر یہ اضافہ گزشتہ چند ہفتوں میں ہوا ہے، اس کی وجہ امریکا میں رجسٹرڈ بٹ کوائن فنڈز میں اضافہ قرار دیا جا رہا ہے۔
دراصل رواں سال کے آغاز میں امریکا میں اسپاٹ بٹ کوائن ایکسچینج ٹریڈڈ فنڈز کی منظوری دی گئی تھی، جس نے نئے بڑے سرمایہ کاروں کے لیے راستہ کھولا، ماہرین بٹ کوائن کی قیمت مزید بڑھنے کی توقع ظاہر کر رہے ہیں۔
