بھارت کی حکمران جماعت بھارتیہ جنتا پارٹی (بی جے پی) کے رکن قانون ساز اسمبلی نے پولیس اسٹیشن کے اندر مخالفین پر فائرنگ کر دی۔
میڈیا رپورٹس کے مطابق واقعے کی سی سی ٹی وی فوٹیج سامنے آگئی جس میں ایم ایل اے گنپت گایکواڑ کو ہندو انتہا پسند جماعت شیو سینا کے رہنماؤں پر فائرنگ کرتے دیکھا جا سکتا ہے۔
پولیس حکام کے مطابق بی جے پی رہنما کا بیٹا زمین کے تنازع پر مقدمہ درج کروانے ممبئی کے ایک پولیس اسٹیشن پہنچا جہاں مخالفین بھی پہنچے۔ جب گنپت گایکواڑ کو اس کی اطلاع ملی تو وہ بھی موقع پر پہنچ گئے۔
CCTV footage of BJP MLA Ganpat Gaikwad firing in Hill Line police station. #Ulhasnagar #Maharashtra pic.twitter.com/vf45u90Chh
— Dinesh Mourya (@dineshmourya4) February 3, 2024
تھانے میں فریقین کے درمیان تلخ کلامی ہوئی تو گنپت گایکواڑ نے اپنی بندوق نکال کر فائرنگ شروع کر دی جس میں شیو سینا کا ایک رہنما زخمی ہوا۔ ملزم نے دیگر کو بندوق کے بٹ مار کر زخمی کیا۔
پولیس اہلکاروں نے گنپت گایکواڑ کو موقع پر ہی حراست میں لیا جبکہ زخمی کو فوری اسپتال منتقل کیا جہاں ایک کی حالت تشویش ناک بتائی گئی۔
ملزم نے میڈیا سے گفتگو میں کہا کہ میں نے اپنے دفاع میں حملہ کیا کیونکہ شیو سینا کے بدماش میرے بیٹے پر تشدد کر رہے تھے۔
بی جے پی رہنما نے کہا کہ مجھے مخالفین پر حملہ کرنے پر کوئی شرمندگی نہیں کیونکہ پولیس کی موجودگی مین جب بیٹے پر تشدد ہوگا تو مجھے قانون ہاتھ میں لینا پڑے گا۔
