سابق وزیر اعلیٰ فاروق عبداللہ نے کہا ہے کہ بی جے پی نے مقبوضہ جموں وکشمیر کو اقتصادی اور معاشی بدحالی کے اندھیروں میں دھکیل دیا ہے۔
ڈاکٹر فاروق عبداللہ کا کہنا تھا کہ گزشتہ 10 سال کے دوران مقبوضہ جموں وکشمیر کے عوام نے سخت ترین مصائب کا سامنا کیا، 5 اگست 2019 کے فیصلے عوام کیلئے نقصان دہ ثابت ہوئے، بی جے پی نے انتخابات سے عین قبل مذہب کے نام پر گندی سیاست شروع کی۔
صدر نیشنل کانفرنس نے کہا کہ کمر توڑ مہنگائی، اقتصادی بدحالی اور ریکارڈ توڑ بے روزگاری سے لوگ پریشانِ حال ہیں۔
جموں میں عوامی وفود سے گفتگو کرتے ہوئے ڈاکٹر فارق عبداللہ کا کہنا تھا کہ بی جے پی نے کشمیر کو اقتصادی اور معاشی بدحالی کے اندھیروں میں دھکیلنے میں کوئی کثر باقی نہیں چھوڑی۔
دریں اچن ا مقبوضہ کشمیر میں بھارتی پولیس نے بارہمولہ اور کپواڑہ اضلاع سے تین افراد گرفتار کر لیے، وقار احمد خواجہ کو ہندواڑہ بائی پاس کے قریب ایک چوکی پر گرفتار کیا گیا، منظور احمد بٹ کو پولیس نے ان کی رہائش گاہ پر چھاپے کے دوران گرفتار کیا۔
معصوم شہریوں کی گرفتاریوں کا جواز پیش کرنے کے لیے ان پر منشیات کی اسمگلنگ میں ملوث ہونے کا الزام لگایا گیا۔
بھارتی حکام ایسی کارروائیاں کشمیریوں کو ہراساں کرنے کی ایک وسیع حکمت عملی کے تحت کرتے ہیں، حق خود ارادیت کے جائز مطالبے کو دبانے کے لئے مختلف بہانوں سے کشمیریوں کی گرفتاریاں ایک معمول ہے۔
