تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بلیک بیری کا اینڈرائیڈ فون سامنے آگیا

ٹورنٹو: موبائل فون بنانے والی معروف کمپنی بلیک بیری اینڈرائیڈ فون کے ساتھ میدان میں اترنے کے لیے بالکل تیار ہے۔

تفصیلات کے مطابق بلیک بیری کی جانب سے کافی عرصے بعد اعلان کیا گیا تھا کہ جلد کمپنی کی جانب سے جلد اسمارٹ فون متعارف کرایا جائے گا جس میں اینڈرائیڈ ورژن ہوگا۔

موبائل اور ٹیبلیٹ تیار کرنے والی معروف کمپنی کی جانب سے آئندہ چند دنوں میں اسمارٹ فون امریکا میں ہونے والی ٹیکنالوجی کی نمائش میں متعارف کرایا جائے گا جن کی تصاویر اور تفصیلات سامنے آگئی ہیں۔

ٹیکنالوجی پر نظر رکھنے والی ویب سائٹ کے مطابق فون رواں ماہ 7 جون کو متعارف کرایا جائے گا جسے بلیک بیری 2 کا نام دیا گیاہے، اب تک آنے والی اطلاعات کے مطابق اینڈرائیڈ ڈیوائس میں دو کیمرے ہوں گے جبکہ اسے ان لاک کرنے کے لیے فنگر پرنٹس کی ضرورت درکار ہوگی۔

حیران کن بات یہ ہے کہ بلیک بیری نے اپنی روایت کو برقرار رکھتے ہوئے فون میں بٹن والا کی بورڈ دیا ہے اس کے علاوہ اسکرین ٹچ کر کے بھی فون کو چلایا جاسکے گا۔

اب تک سامنے آنے والی اطلاعات کے مطابق بلیک بیری 2 میں 8 اور 12 میگا پکسل کے فرنٹ اور بیک کیمرے ہوں گے جبکہ 4 جی بی اس کی ریم ہوگی علاوہ ازیں موبائل کی اسٹوریج 64 سے 128 گیگا بائٹس تک ہوگی جس کو بڑھانے کے لیے میموری کارڈ کا سلاڈ بھی دیا گیا ہے ،کمپنی کی جانب سے تاحال قیمت کا اعلان نہیں کیا گیا۔

خیال رہے کہ اسمارٹ فون متعارف ہونے کے بعد بلیک بیری وہ واحد کمپنی تھی جس نے اپنی جدید سہولیات اور فیچرز کی وجہ سے مختصر وقت میں کامیابی کے جھنڈے گاڑھے تھے مگر کچھ عرصے سے بلیک بیری اپنے صارفین کو متاثر کرنے میں ناکام نظر آرہی تھی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

- Advertisement -