The news is by your side.

Advertisement

امریکا میں سیاہ فام برادری کے مظاہرے جاری

واشنگٹن : امریکا میں سیاہ فام افراد کی پولیس کے ہاتھوں ہلاکت پر مختلف ریاستوں میں احتجاجی مظاہرے جاری ہیں، تجزیہ کاروں کے مطابق مظاہروں کی غیر معمولی میڈیا کوریج بھی امریکا میں تعصب کو مزید فروغ دے رہی ہے۔

تفصیلات کے مطابق امریکی ریاست ڈیلس میں ایک سیاہ فام نوجوان کے ہاتھوں پانچ پولیس اہلکاروں کے قتل کے واقعہ بھی امریکا بھر میں سیاہ فام افراد کے مظاہروں کو روکنے میں ناکام رہا ہے۔

گزشتہ ہفتے مینیسوٹا اور لوزیانا میں پولیس گردی کا نشانہ بننے والے دو سیاہ فام نوجوانوں کی ہلاکت کے سلسلے میں ہونے والے مظاہروں میں اب تک سینکڑوں افراد کو گرفتار کیا جاچکا ہے۔

 

مینیسوٹا میں مظاہرین اور پولیس کے درمیان جھڑپیں جاری رہیں جبکہ گورنر مارک ڈیٹن مظاہرین سے پر امن رہنے کے اپیل کرتے رہے۔

لوزیانا کے دارالحکومت بیٹن روگ میں گزشتہ دنوں میں احتجاج میں شدت آتی جا رہی ہے جبکہ ڈیلس میں پانچ پولیس اہلکاروں کی ہلاکت کے بعد صورتحال اب بھی کشیدہ ہے۔

 

دوسری جانب امریکی میڈیا میں ان مظاہروں کی غیر معمولی کوریج پر بھی کچھ حلقے تعصب کو مزید ہوا دینے کے الزامات عائد کر رہے ہیں۔

ناقدین کے مطابق توجہ تعصب پر مبنی رویوں کو تبدیل کرنے پر ہونی چاہئیے نہ کہ مظاہروں کی چوبیس گھنٹے کی کوریج پر۔

 

Print Friendly, PDF & Email

Comments

comments

یہ بھی پڑھیں