ترکیہ کے دارالحکومت انقرہ میں میزائل بنانے والی فیکٹری میں خوفناک دھماکے میں کم از کم 5 افراد جاں بحق ہو گئے۔
بین الاقوامی میڈیا رپورٹس کے مطابق ترک دارالحکومت ہفتے کی صبح زوردار دھماکے سے لرز اٹھا۔ ضلع مداغ میں قائم فیکٹری میں ہونے والے دھماکے کی آواز شہر کے دور دراز علاقوں تک سنی گئی۔
وزارت دفاع نے بیان میں کہا کہ انقرہ میں دھماکا خیز مواد کی فیکٹری میں دھماکے سے کم از کم پانچ مزدور جاں بحق ہوئے ہیں۔
دھماکا انقرہ سے باہر 40 کلومیٹر (25 میل) دور MKE راکٹ اور دھماکا خیز مواد کی فیکٹری میں ہوا۔
انقرہ صوبے کے گورنر وہاپ ساہین نے صحافیوں کو بتایا کہ تکنیکی عملے کے مطابق فیکٹری کے ڈائنامائٹ ڈیپارٹمنٹ میں ایک کیمیائی تجربے کے نتیجے میں دھماکا ہوا ہے۔
Five workers were killed in a blast at an explosives factory near Ankara, Turkey's Defence Ministry said pic.twitter.com/MddIZW3OX3
— The National (@TheNationalNews) June 10, 2023
ان کا کہنا تھا کہ افسوسناک واقعے میں بدقسمتی سے پانچ کارکنوں کی موت ہوئی ہے ہماری تعزیت ان کے اہل خانہ سے ہے جب کہ ملبے کے نیچے پانچ دیگر کارکن تھے اور ہم انہیں بچانے میں کامیاب ہو گئے ہیں۔
سرکاری میڈیا نے مزید کہا کہ زخمیوں میں کئی افراد کی حالت تشویشناک ہے۔
