صادق آباد: تحصیل صادق آباد کے ایک نجی بینک میں ہونے والے دھماکے سے 20 افراد زخمی ہوگئے.
تفصیلات کے مطابق صادق آباد میں ہونے والے دھماکے سے نجی بینک کی عمارت تباہ ہوگئی، واقعے میں کئی افراد زخمی ہوئے.
دھماکے سے قریبی عمارتوں اور دکانوں کو بھی شدید نقصان پہنچا، قریب کھڑی موٹر سائیکلیں تباہ ہوگئیں، کار اور ایک بس کو شدید نقصان پہنچا۔
واقعے کی اطلاعت ملتے ہی پولیس اور ریسکیو اہل کار موقع پر پہنچ گئے، زخمیوں کو اسپتال پہنچا دیا گیا. اسپتالوں میں ایمرجینسی نافذ کر دی گئی.
دھماکے کے اسباب کا تاحال تعین نہیں ہوسکا ہے، نہ تو یہ سلنڈر دھماکا ہے، نہ ہی بینک میں شارٹ سرکٹ کے شواہد ملے ہیں.
مزید پڑھیں: مستونگ میں سیکیورٹی فورسز کا آپریشن، 9 دہشت گرد ہلاک
ابتدا میں ڈی پی او صادق آباد نے اسے سلنڈر کا دھماکا قرار دیا تھا، مگر اس ضمن میں حکام کا حتمی موقف سامنے نہیں آیا.
وزیراعلیٰ پنجاب عثمان بزدار نے صادق آباد بینک میں دھماکے کا نوٹس لیتے ہوئے رپورٹ طلب کرلی ہے اور زخمی افراد کو علاج معالجے کی بہترین سہولتیں فراہم کرنے کی ہدایت کی ہے۔
