اسمبلی تحلیل ہونے سے قبل اراکین پارلیمنٹ پر نوازشات کی برسات کردی گئی، موجودہ مالی سال کی 42 دن کی پارلیمنٹ کے لیے 6 ماہ کا بجٹ جاری ہوگا، وزارت خزانہ نے ارکان پارلیمنٹ کی اسکیموں کے لیے فنڈز جاری کرنے کی اجازت دیدی۔
اے آر وائی نیوز کے مطابق پارلیمنٹیرینز اسکیموں کے لیے صرف3 ماہ میں 61 ارب 26 کروڑ روپے جاری کرنے کا فیصلہ کیا گیا ہے، پورے سال کے لیے مختص90 ارب میں سے41 ارب 3 ماہ میں جاری کرنے کی منظوری دے دی گئی۔
دستاویز کے مطابق گزشتہ سال رہ جانے والے مزید 20 ارب بھی انتخابات سے قبل جاری کرنے کا فیصلہ کیا گیا ہے، وزارت خزانہ نے ارکان پارلیمنٹ کی اسکیموں کے لیے فنڈز جاری کرنے کی اجازت دیدی ہے۔
دستاویز سے یہ بات ظاہر ہوتی ہے کہ وفاقی وزارت خزانہ نے جولائی تا ستمبر پارلیمنٹیرینز اسکیموں کے لیے مجموعی طور پر 61 ارب روپے سے زائد کے اجرا کی اجازت دی گئی ہے۔