The news is by your side.

بلوچستان میں سیلاب کی تباہ کاریاں جاری، درجنوں مکانات منہدم

کوئٹہ : بلوچستان میں شدید بارشوں اورسیلاب نے تباہی مچادی، صوبے کا ملک بھر سے زمینی رابطہ منقطع ہوگیا۔

بلوچستان کے مختلف اضلاع میں شدید بارشوں اور سیلابی ریلوں میں مرکزی شاہراہیں اور رابطہ پل بہہ گئے، نواں کلی، جھل مگسی، مستونگ، چمن، ہرنائی سمیت بیشتر اضلاع تباہی کا شکار ہوگئے۔

بلوچستان میں سیلاب کی تباہ کاریاں جاری ہیں، کوہلو میں موسلادھار بارشوں سے کئی شہری و دیہی علاقے شدید متاثر ہیں۔ ضلع میں موسلادھار بارشوں سے چار افراد جاں بحق اور درجنوں کچے مکانات منہدم ہوگئے ہیں۔

بلوچستان میں شدید بارشوں اورسیلاب نے تباہی مچا دی

صوبے کے مختلف اضلاع کی طرح ضلع کوہلو میں بھی مون سون بارشیں جم کر ایسی برسیں کے نواحی و نشیبی علاقے زیر آب آگئے بارشوں کے دوران مختلف واقعات میں 4 افراد جاں بحق جبکہ 10 افراد زخمی ہوئے ہیں۔

BBC

کوہلو کے شہری و دیہی علاقوں تمبو، ٹاون، گرسنی، شاہجہ آباد ، لاسے زئی ،مری کالونی ، پیپلز کالونی، میر ہزار واڈھ سمیت مختلف علاقوں میں درجنوں کچے مکانات و دیواریں منہدم اور مال مویشی بارشوں اور سیلابی ریلوں میں بہہ کر ہلاک ہوچکے ہیں۔

BBC

بارشوں سے کوہلو کے علاقے سنجاڑ ،لاسے زئی ،تمبو اور ماوند میں سینکڑوں ایکڑ پر مشتمل کپاس ،ٹماٹر اور مرچ کی کھڑی فصلیں سیلابی ریلوں میں بہہ گئی ہیں جبکہ کوہلو سبی قومی شاہراہ بھی مختلف مقامات پر شدید متاثر ہوا ہے جہاں قومی شاہراہ کی بحالی متعلقہ اداروں کے لئے امتحان بن گیا ہے۔

BBC

Comments

یہ بھی پڑھیں