ٹوئٹر سے نیلے پرندے (چڑیا) کا معروف لوگو ہٹانے کے بعد اب ٹوئٹر کے مالک ایلون مسک نے عندیہ دیا ہے کہ جلد ہی ٹوئٹر کے تمام بلیو ٹک کو ختم کرکے انہیں بلیک ٹک میں تبدیل کردیا جائے گا۔
بلیو ٹک کو ختم کرنے کے حوالے سے یہ بات ایلون مسک نے سوشل میڈیا پر ایک صارف کے سوال کے جواب میں کہی اور کہا کہ جلد ہی ٹوئٹر کے تمام بلیو ٹک صرف اور صرف ڈارک یعنی بلیک ٹک میں تبدیل کردیے جائیں گے۔
I like Black too but it won’t work good in the dark mode 👀 https://t.co/nMwEUY8efj
— DogeDesigner (@cb_doge) July 27, 2023
تاہم ابھی یہ واضح نہیں ہے کہ ٹوئٹر کے صرف بلیو ٹک ہی بلیک کیے جائیں گے یا پھر حکومتی اور کاروباری تنظیموں کے گولڈن اور گرے ٹک بھی بلیک کیے جائیں گے لیکن غالب گمان یہی ہے کہ صرف بلیو ٹکس کو ہی بلیک میں ٹکس میں تبدیل کیا جائے گا۔
ٹوئٹر کو ابتدائی طور پر24 جولائی کو تبدیل کرکے اس کی رنگت بلیو سے بلیک کردی گئی تھی اور اس کے تاریخی ’پرندے‘ (چڑیا) کا لوگو ہٹاکر اس کی جگہ ’ایکس‘ دیا گیا تھا۔
ڈیسک ٹاپ صارفین کے بعد اب موبائل صارفین کے لیے بھی ٹوئٹر کو تبدیل کردیا گیا ہے، اب آئی او ایس صارفین سمیت اینڈرائیڈ صارفین کی ایپلی کیشن بھی ’ایکس‘ لوگو میں تبدیل ہوگئی ہے۔
monthly users reach new high in 2023 pic.twitter.com/trqLGBEvvA
— Elon Musk (@elonmusk) July 28, 2023
علاوہ ازیں کمپنی کی جانب سے ٹوئٹر کا لوگو اور رنگت تبدیل کیے جانے کے بعد ایلون مسک نے یہ دعویٰ بھی کیا کہ پلیٹ فارم پر ماہانہ صارفین کی تعداد میں ریکارڈ اضافہ ہوگیا ہے۔
ایلون مسک نے 28 جولائی کو ایک ٹوئٹ میں دعویٰ کیا کہ ٹوئٹر کے ماہانہ صارفین کی تعداد 53 کروڑ تک جا پہنچی ہے جو کہ رواں سال کی ریکارڈ سطح ہے۔
