ممبئی: بھارتی فلم انڈسٹری کی معروف اداکارہ لارا دتہ کا ممبئی میں واقع گھر سیل کردیا گیا۔
بھارتی میڈیا رپورٹ کے مطابق اداکارہ لارا دتہ کا کورونا ٹیسٹ مثبت آنے پر بری ہان ممبئی میونسپل کارپوریشن (بی ایم سی) نے ان کا گھر سیل کیا۔
میونسپل کارپوریشن حکام نے لارا دتہ کے گھر کو سیل کرتے ہوئے اس علاقے کو مائیکرو کنٹینمنٹ زون ڈکلیئر کردیا۔
اداکارہ کے گھر میں صرف ان می ہی کورونا کی تشخیص ہوئی ہے تاہم لارا نے کورونا ٹیسٹ مثبت آنے سے متعلق کوئی باضابطہ بیان نہیں دیا۔
واضح رہے کہ لارا دتہ نے حال ہی میں انسٹاگرام پر اپنی بیٹی اور اداکارہ سیلینا جیٹلی کے بچوں کی تصاویر شیئر کی تھی۔
یاد رہے کہ لارا دتہ نے آخری بار اکشے کمار کی فلم ’بیل باٹم‘ میں اداکاری کے جوہر دکھائے تھے، فلم کی دیگر کاسٹ میں وانی کپور اور ہما قریشی شامل تھیں۔
Comments
- Advertisement -