The news is by your side.

Advertisement

بی این پی مینگل کا اپوزیشن کی اے پی سی میں شرکت نہ کرنے کا فیصلہ

اسلام آباد : بی این پی مینگل نے اپوزیشن کی اے پی سی میں شرکت نہ کرنے کا فیصلہ کرتے ہوئے مولانا فضل الرحمن کو تحریری طور پر آگاہ کردیا اور کہا اپوزیشن ہمارے مطالبات پر سنجیدگی سے غور کرے۔
.
تفصیلات کے مطابق بی این پی مینگل کے سربراہ اختر مینگل نے اپوزیشن کی اے پی سی میں شرکت نہ کرنے کا فیصلہ کیا ہے، اختر مینگل نے مولانا فضل الرحمان کے نام تحریری پیغام بھجوا دیا ہے، اختر مینگل نے خط مولانا اسعدمحمود کے حوالے کیا۔

اے پی سی میں ہماری سفارشات کا جائزہ لیا جائے ، اپوزیشن ہمارے مطالبات پر سنجیدگی سےغور کرے۔

خیال رہے اپوزیشن پارٹی جماعت اسلامی اور حکومت کی اتحادی ایم کیو ایم نے بھی مولانا فضل الرحمان کی جانب سے بلائی گئی اے پی سی میں شرکت سے معذرت کرلی ہے۔

جماعت اسلامی کا موقف ہےاے پی سی میں شریک مسلم لیگ ن اور پیپلزپارٹی قومی خزانےکی لوٹ مارمیں ملوث رہیں جب تک دونوں معافی نہیں مانگتے ان کے ساتھ نہیں بیٹھ سکتے۔

مزید پڑھیں : متحدہ اپوزیشن کی حکومت مخالف آل پارٹیز کانفرنس آج ہوگی

یاد رہے متحدہ اپوزیشن کی جانب سے حکومت کے خلاف آل پارٹیزکانفرنس آج اسلام آباد میں ہورہی ہیں، اےپی سی اسلام آبادکےہوٹل میں مولانافضل الرحمان کی زیرصدارت ہوگی۔

اے پی سی میں پیپلزپارٹی، ن لیگ سمیت دیگراپوزیشن جماعتیں شرکت کررہی ہیں۔

اجلاس میں بجٹ منظوری رکوانے پر مشاورت، اسلام آباد لاک ڈاؤن کی تاریخ کا تعین اور چیئرمین سینیٹ کےخلاف تحریک عدم اعتمادبھی ایجنڈے میں شامل ہے۔

Comments

comments

یہ بھی پڑھیں