اسلام آباد : وزیراعظم شہباز شریف نے دفترخارجہ کو اٹلی کے ساحل کے قریب کشتی حادثے میں دو درجن سے زائد پاکستانیوں کے ڈوبنے سے متعلق حقائق جلد از جلد پتہ لگانے کی ہدایت کردی۔
تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹوئٹر پر اٹلی کے ساحل کے قریب کشتی حادثے کے حوالے سے کہا کہ کشتی حادثے میں دو درجن سے زائد پاکستانیوں کے ڈوبنے کی خبریں تشویشناک ہیں، دفترخارجہ کو ہدایت کی ہے کہ جلد از جلد حقائق کا پتہ لگایا جائے۔
The reports of the drowning of over two dozen Pakistanis in a boat tragedy in Italy are deeply concerning & worrisome. I have directed Foreign Office to ascertain facts as early as possible & take the nation into confidence.
— Shehbaz Sharif (@CMShehbaz) February 27, 2023
اس سے قبل دفتر خارجہ نے ترجمان نے کہا تھا کہ اٹلی کے ساحل کے قریب کشتی حادثے میں پاکستانیوں کی موجودگی پر نظر ہے، روم میں پاکستانی سفارت خانہ اطالوی حکام سے حقائق جاننے کے لیے رابطے میں ہیں۔
خیال رہے اٹلی میں پاکستانی سفارت خانے کے مطابق اطالوی ساحل کے قریب کشتی پر سوار تارکین میں پاکستانی بھی تھے، کشتی ڈوبنے سے 28 پاکستانیوں کی لاشیں نکال لی گئی ہیں، مبینہ طور پر کشتی پر 40 پاکستانی سوار تھے۔