ایرانی ڈیزاسٹر مینجمنٹ تنظیم کے سربراہ محمد حسن نامی نے کہا ہے کہ ہیلی کاپٹر کے افسوسناک حادثے کے بعد آگ لگ گئی تھی، اس کے باوجود تمام لاشیں قابل شناخت ہیں
غیر ملکی ذرائع ابلاغ کے مطابق میڈیا سے بات کرتے ہوئے انہوں نے کہا کہ ڈی این اے ٹیسٹ کی ضرورت نہیں رہی، سب سے زیادہ بہتر حالت میں آیت اللّٰہ محمد علی آل ہاشم کی لاش ملی ہے۔
ایرانی ڈیزاسٹر مینجمنٹ تنظیم کے سربراہ محمد حسن نامی نے مزید کہا کہ حادثے کا شکار ہونے کے ایک گھنٹے بعد تک وہ زندہ رہے اور انہوں نے صدارتی آفس کے سربراہ غلام حسین اسماعیلی کو ٹیلی فون کرکے احوال بھی بتایا تھا۔
دوسری جانب ایران کی ہلال احمر سوسائٹی کے سربراہ پیر حسین نے اس بات کی تردید کی ہے کہ ہیلی کاپٹر کا ملبہ تلاش کرنے کے لیے ایران نے دیگر ممالک کی امداد پر انحصار کیا۔
ایرانی صدر ابراہیم رئیسی و دیگر حکام کی نماز جنازہ آج ادا کی جائے گی
اُن کا کہنا تھا کہ تلاش اور ریسکیو کا تمام تر عمل ایرانی حکام اور ایرانی ڈرونز کی مدد سے کیا گیا، ہیلی کاپٹر کا ملبہ پیر کی صبح پانچ بچے ہمیں مل چکا تھا۔
