پاکپتن : گاؤں ملک پور سے 15 اگست کو گھر سے کھیلنے کے نکلے لاپتہ ہونیوالے بچے کی لاش نہرسے مل گئی، بچے کو زیادتی کے بعد قتل کیا گیا۔
تفصیلات کے مطابق پاکپتن میں گھر سے کھیلنے کے نکلے لاپتہ ہونیوالے 6 سالہ بچے کی لاش مل گئی، پولیس نے بتایا کہ ملزم نے بچے کو زیادتی کے بعد قتل کرکے لاش نہرمیں پھینک دی تھی۔
12سال کا ملزم مقتول کاکزن ہے، جو بچے کو سائیکل پر لے گیا تھا اور زیادتی کے بعد قتل کیا۔
گاوں ملک پور کے رہائشی محمد احمد کے بیٹے کی گمشدگی کی اطلاع پر ایس ایچ او تھانہ صدر عابد عاشق مہار نے پولیس ٹیم کے ہمراہ قریبی علاقوں کی سی سی ٹی وی فوٹیجز دیکھیں تو 6 سالہ علی حمزہ اپنے 12 سالہ کزن علی حسنین کے ساتھ سائیکل پر جاتا ہوا دیکھا گیا۔
تھانہ صدر پولیس نے بارہ سالہ ملزم کو حراست میں لیا تو ملزم نے بچے کو بدفعلی کے بعد کھادر کینال میں پھینک کر قتل کرنے کا اعتراف کرلیا۔
ملزم کی نشاندہی پر لاش نہر سے برآمد کرکے واقعہ کا مقدمہ درج کرلیا گیا ہے، مقتول گاوں ملک پور سے 15 اگست کی شام کو لاپتہ ہوا تھا۔
