The news is by your side.

Advertisement

پشاور میں قبرستان سے کمسن بچی کی سوختہ لاش برآمد

مردان: پشاور کے نواحی علاقے میں واقع قبرستان سے کمسن بچی کی سوختہ لاش برآمد ہوئی ہے۔

اے آر وائی نیوز کی رپورٹ کے مطابق پشاور کے علاقے بڈھ بیر میں واقع سیفن قبرستان سے چھ سالہ بچی کی سوختہ لاش برآمد ہوئی ہے، جس کی شناخت 6 سالہ لیہ بی بی کے نام سے ہوئی۔

پولیس نے کمسن بچی کی لاش کو ضابطے کی کارروائی کے لیے اسپتال منتقل کردیا،کمسن بچی کے والد کا کہنا تھا کہ بچی کو کبھی پھول سے بھی نہیں مارا وہ تو ایسے ہی مر گئی ہوگی۔

بچی کے اہلخانہ اور اہل علاقہ نے کوہاٹ روڈ پر احتجاج کیا، مظاہرین نے مطالبہ کیا کہ 24 گھنٹے کے اندر قاتلوں کو گرفتار کرکے قرار واقعی سزا دی جائے۔

پولیس کا کہنا ہے کہ بچی بالو خیل کی رہائشی ہے، گزشتہ روز گھر سے لاپتا ہوئی تھی، بچی کی گمشدگی کی رپورٹ بھی درج کرائی گئی تھی۔

سی سی پی او پشاور نے واقعے کا نوٹس لیتے ہوئے ملزمان کی گرفتاری کے لیے ایس ایس پی انویسٹی گیشن کی نگرانی میں خصوصی ٹیم تشکیل دے دی۔

ایس ایس پی کا کہنا تھا کہ سائنسی بنیادوں پر شواہد حاصل کرلیے، قاتلوں کو کیفر کردار تک پہنچائیں گے۔

دوسری جانب وزیراعلیٰ خیبرپختونخوا نے واقعے کا نوٹس لیتے ہوئے ملوث افراد کو گرفتار کرنے کی ہدایت جاری کردیں۔

یاد رہے کہ گزشتہ دنوں تھانہ بڈھ بیر کی حدود سے پانچ سال کے بچے کی لاش برآمد ہوئی تھی۔

Comments

یہ بھی پڑھیں