The news is by your side.

Advertisement

بھارتی پائلٹس مسافروں کی زندگیوں سے کھیلنے لگے، اہم انکشاف منظر عام پر

نئی دہلی:بھارت میں زیرتربیت پائلٹس بوئنگ 737 میکس طیارے اڑانے لگے، جس کے باعث ہزاروں مسافروں کی زندگیاں خطرے میں پڑگئیں۔

غیر ملکی میڈیا رپورٹ کے مطابق بھارتی ڈائریکٹوریٹ جنرل آف سول ایوی ایشن کی تحقیقات میں انکشاف ہوا ہے کہ بھارتی فضائی کمپنیوں نے ہزاروں مسافروں کی زندگیوں کی پروا کئے بغیر بوئنگ 737 میکس طیارے زیر تربیت پائلٹس کے حوالے کردئیے۔

ڈی جی سی اے کے سربراہ ارون کا کہنا ہے کہ پرائیویٹ فضائی کمپنی اسپائس جیٹ کے 90 پائلٹ مکمل ٹریننگ کے بغیر بوئنگ 737 میکس طیارہ اڑا رہے تھے، سنگین معاملے کا انکشاف ہوتے ہی ان تمام پائلٹس پر پابندی عائد کر دی گئی ہے، اب وہ مکمل تربیت لینے کے بعد ہی اس طیارے کو اڑا سکیں گے۔

ڈی جی سی اے نے یہ پابندی ان پائلٹس کی سیمولیٹر ٹریننگ کے مسائل کی وجہ سے عائد کی ہے۔

ادھر اسپائس جیٹ کے ترجمان نے بھی تصدیق کی ہے کہ ڈی جی سی اے نے ایئر لائن کے 90 پائلٹس کو میکس طیارے اڑانے سے روک دیا ہے۔ انہوں نے کہا کہ ہم اس غفلت کے مرتکب افراد کے خلاف سخت کارروائی کریں گے۔

Comments

یہ بھی پڑھیں