نئی دہلی : پاکستان میں پشاور آرمی پبلک اسکول میں ہونے والے واقعے نے جہاں دنیا کو ہلا کر رکھ دیا، وہاں بھارتی گلوکاروں نے اس سانحہ سے متاثر ہوکر گانا ریلیز کردیا ہے۔
بھارت کے نامور گلوکار سلیم مرچنٹ اور سلیمان مرچنٹ نے پشاور سانحہ میں شہید ہونے والے بچوں کیلئے گانا بنایا۔
حال ہی میں بھارتی گلوکاروں سلیم اور سلیمان نے خالی پن کے نام سے گانا ریلیز کیا، جس میں دکھایا گیا ہے کہ دنیا بھر میں بچوں پر کتنا ظلم و ستم کیا جاتا رہا ہے اور اگر دنیا سے تمام بچے ختم ہوگئے تو دنیا کتنی ویران اور خالی ہوجائے گی۔
دونوں گلوکاروں نے اس سانحہ سے متاثر ہوکر یہ گانا ریلیز کیا ہے، جس میں دنیا بھر کے بچوں پر ہونے والے ظلم کے خلاف پیغام دیا گیا ہے۔
سلیم مرچنٹ کا ایک انٹرویو میں گانے سے متعلق کہنا تھا کہ سانحہ پشاور میں حملے کے وقت بچوں نے گولیوں سے بچنے کے لیے بینچوں کے نیچے پناہ لی تھی اور ہمارا یہ گانا اسی واقعے پر بنایا گیا ہے۔
یاد رہے کہ 16 دسمبرکو پشاور آرمی پبلک اسکول پر دہشت گردوں کے حملے میں 150 سے زائد افراد شہید ہوگئے تھے، شہید ہونے والوں میں 132 بچے شامل تھے۔
Khalipan – Salim Sulaiman – Official Music Video by 4mOfficial
