اپنی جاندار اداکاری سے بالی وڈ میں منفرد پہچان بنانے والی اداکارہ ہما قریشی ناول نگار بن گئیں، ’زیبا‘ لانچنگ تقریب ممبئی میں منعقد ہوئی۔
ہما قریشی نے اپنا پہلا فینٹسی ناول ’زیبا: این ایکسیڈنٹل سپر ہیرو‘ تحریر کیا ہے جسے بک ہارپر کولنز نے شائع کیا ہے۔ اداکارہ نے بتایا کہ ان کے ناول میں مضبوط ارادوں والی باغی لڑکی کے سپر ہیرو میں تبدیل ہونے کی کہانی بیان کی گئی ہے۔
انھوں نے کہا کہ ہیرزوز کی پیچیدہ اور افراتفری والی زندگی ہمیشہ سے میری توجہ کا مرکز رہی ہے۔ اس کردار نے بھی معاشرے کے اصولوں کو چیلنج کیا ہے۔
اداکارہ کا کہنا تھا کہ میرا پہلا ناول ایک پرعزم، باغی لڑکی کی سپر ہیرو میں تبدیلی پر روشنی ڈالتا ہے۔ یہ ایک ایسا سفر ہے جس میں کئی غیر متوقع موڑ ہیں لیکن مرکزی کردار بااختیار ہے۔
ہما نے بتایا کہ بک ہارپر کولنز نے ان کا ناول شائع کیا ہے۔ ان کے تعاون سے میں ایک کردار اور کہانی بنانے میں کامیاب رہی۔ میرا سفر دلچسپ رہا، میں چاہتی ہوں کہ قارئین میری اس مہم جوئی کر طرف اپنی توجہ مبذول کریں۔
اس موقع پر ہارپر کولنز انڈیا کی پبلشر پولومی نے کہا کہ ہما نے اسکرین پر جتنا بھی کام کی وہ متاثر کن ہے۔ ہمیں ان کی پہلی کتاب ’زیبا‘ شائع کرتے ہوئے خوشی ہو رہی ہے۔
