19.8 C
Ashburn
بدھ, مئی 29, 2024
اشتہار

سلمان خان کا 1990 میں اپنے ہاتھوں سے لکھا گیا خط منظر عام پر آگیا

اشتہار

حیرت انگیز

ممبئی: بالی ووڈ کے دبنگ اسٹار سلمان خان نے 1990 میں اپنے ہاتھوں سے ایک خط لکھا تھا جو سوشل میڈیا پر وائرل ہو رہا ہے۔

بھارتی میڈیا کے مطابق سلمان خان کے ہاتھ سے لکھا گیا خط خوب وائرل ہورہا ہے جوکہ اُنہوں نے 1990 میں اپنی فلم ’میں نے پیار کیا ‘ کی ریلیز کے چار ماہ بعد اپنے مداحوں کے نام لکھا تھا۔

سلمان خان نے یہ خط اپنے مداحوں کے لیے لکھا تھا، اداکار نے لکھا کہ ’سب سے پہلے تو مجھے قبول کرنے اور میرے پُرستار ہونے کے لیے میں آپ کا شکریہ ادا کرنا چاہتا ہوں، میں پوری محنت اور لگن سے کام کررہا ہوں، میں اپنی ساری توجہ اپنے کام پر مرکوز کررہا ہوں‘۔

 

View this post on Instagram

 

A post shared by Salman Khan (@beingsalmankhan)

- Advertisement -

سلمان خان نے خط میں لکھا تھا کہ میں اگلی فلموں کے لیے بہترین اسکرپٹ کا انتخاب کروں گا کیونکہ میں یہ جانتا ہوں کہ اب میری ہر فلم کا موازنہ میری فلم ’میں نے پیار کیا ‘ سے کیا جائے گا۔

انہوں نے لکھا کہ لہٰذا آپ جب بھی میری نئی فلم سے متعلق کوئی اعلان سُنیں تو یقین رکھیں کہ یہ ایک اچھی فلم ہوگی، میں آپ سے پیار کرتا ہوں اور مجھے امید ہے کہ آپ مجھ سے محبت کرتے رہیں گے کیونکہ جس دن آپ مجھ سے محبت کرنا چھوڑ دیں گے اور آپ میری فلمیں دیکھنا چھوڑ دیں گے تو اُس دن میرے کیریئر کا اختتام ہوگا۔

سوناکشی سنہا نے سلمان خان کو ’لاپرواہ ‘ قرار دے دیا

سلمان خان نے مزید لکھا کہ آپ لوگوں کی وجہ سے ہی ہم اسٹار بنتے ہیں، آپ میری ذاتی زندگی کے بارے میں سب کچھ ہی جانتے ہیں، اسی لیے میرے پاس اس حوالے سے کہنے کے لیے بہت کچھ نہیں ہے، میں صرف ایک بات جانتا ہوں کہ آپ نے مجھے قبول کر لیا ہے۔

واضح رہے کہ سلمان خان نے اپنے کیرئیر کا آغاز 1988 میں کیا ان کی دوسری فلم ’میں نے پیار کیا‘ تھی جس میں انہوں نے مرکزی کردار نبھایا تھا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں