بھارتی ریاست منی پور میں عیسائی خواتین کو برہنہ کرکے گھمانے کے انسانیت سوز واقعے پر بالی ووڈ اداکار بھی برس پڑے۔
بھارتی ریاست منی پور میں عیسائی خواتین کو اجتماعی زیادتی کا نشانہ بنانے کے بعد برہنہ کرکے گھمایا گیا جس پر بالی ووڈ اداکار اکشے کمار، کیارا ایڈوانی، رچا چڈھا، رتیش دیش مکھ نے شدید غم و غصے کا اظہار کرتے ہوئے ملزمان کو سزا دینے کا مطالبہ کیا ہے۔
کیارا ایڈوانی نے ٹوئٹر پر لکھا کہ ’منی پور میں خواتین کے ساتھ پیش آنے والے واقعے کی ویڈیو خوفناک ہے اور اس نے مجھے ہلا کر رکھ دیا ہے۔
اداکارہ نے لکھا کہ میں ان خواتین کے لیے دعا گو ہوں کہ انہیں جلد اںصاف ملے اور ذمہ داران کو سخت سزا ملنی چاہیے جس کے وہ مستحق ہیں۔
The video of violence against women in Manipur is horrifying and has shaken me to the core. I pray the women get justice at the earliest. Those responsible must face the most SEVERE punishment they deserve.
— Kiara Advani (@advani_kiara) July 20, 2023
اداکار رتیش دیش مکھ نے کہا کہ منی پور میں جو ہوا اس سے دل دہل گیا اس واقعے پر صدمے کے ساتھ ساتھ شدید غصہ ہے۔ خواتین کی عزت پر حملہ، انسانیت کے وقار پر حملہ ہے۔
Deeply disturbed with the visuals of the atrocities against the women in Manipur… I am seething with anger… no man should go unpunished for such crime. Attack on the dignity of a woman is an attack on humanity itself.
— Riteish Deshmukh (@Riteishd) July 20, 2023
اداکارہ ریچا چڈھا نے واقعہ کو ہولناک ، شرمناک اور لا قانونیت قرار دیا۔
بالی ووڈ اداکار اکشے کمار ٹوئٹر پر لکھا کہ منی پور میں خواتین کے ساتھ ہونے والے گھناؤنے واقعے کو دیکھ کر لرز گیا۔ امید ہے واقعے میں ملوث افراد کو اتنی کڑی سزا دی جائے گی کہ آئندہ کوئی ایسا کرنے کی جرأت نہ کرسکے۔
Shaken, disgusted to see the video of violence against women in Manipur. I hope the culprits get such a harsh punishment that no one ever thinks of doing a horrifying thing like this again.
— Akshay Kumar (@akshaykumar) July 20, 2023
Manipur video has shaken everyone’s soul.
It was humanity that was paraded..not the women💔💔— sonu sood (@SonuSood) July 20, 2023
