بھارتی فلم انڈسٹری کی ایک اور جوڑی نے شادی کی تیاریاں شروع کردیں، معروف اداکارہ راکول پریت سنگھ اور اداکار جیکی بھگنانی جلد شادی کرنے والے ہیں۔
بھارتی میڈیا پر آنے والی رپورٹس کے مطابق اداکارہ اور فلم پروڈیوسر اگلے ماہ فروری میں ایک دوسرے کے شریک سفر بن جائیں گے۔ جیکی اور راکول میں قربت کا آغاز 2021 میں ہوا تھا جو کہ اب اٹوٹ بندھن میں بندھنے جارہا ہے۔
بھارت اخبار نے دعویٰ کیا ہے کہ راکول اور جیکی کی شادی 22 فروری کو گوا میں ہوگی جبکہ بالی وڈ کے جوڑے نے اب تک اپنی شادی سے متعلق میڈیا کو کچھ نہیں بتایا ہے۔
میڈیا رپورٹ میں بتایا گیا کہا ہے کہ پروڈیوسر/اداکار جیکی اور اداکارہ راکول اپنی زندگی کے اہم ترین دن اور لمحات کو خفیہ رکھنے کے خواہشمند ہیں اس لیے یہ جوڑا خود میڈیا پر اس حوالے سے کوئی بات نہیں کر رہا۔
ذرائع نے بتای کہ اس وقت یہ پریمی جوڑا شادی کی تیاری اور تقریبات سے قبل ایک دوسرے کے ساتھ چھٹیاں گزار رہا ہے۔
دونوں اداکار ان دنوں بینکاک میں ایک موجود ہیں جہاں جیکی بھگنانی شادی سے قبل اپنی ’بیچلر پارٹی‘ بھی منعقد کریں گے۔
واضح رہے کہ دوسرے بالی وڈ جوڑوں کی طرح بیرون ملک یا راجھستان کا انتخاب کرنے کے بجائے زندگی کے اہم ترین دن کو یادگار بنانے کے لیے انھوں نے ساحلی شہر گوا کو منتخب کیا ہے۔
حال ہی میں راکول نے اپنے موجودہ دوست اور مستقبل کے شوہر جیکی کو ان کی سالگرہ پر مبارکباد باد دیتے ہوئے ان کے کافی جذباتی پیغام بھی شیئر کیا تھا جس میں انھیں خوب دعائیں دی گئی تھیں۔
