ممبئی: جعلی سرجیکل اسٹرائیک پر مبنی بالی ووڈ فلم ’بالا کوٹ سرجیکل اسٹرائیک‘ مذاق بن گئی۔
تفصیلات کے مطابق ڈی جی آئی ایس پی آر میجر جنرل آصف غفور نے بھارتی فلم سازوں کو بالا کوٹ حملے پر فلم بنانے کے اعلان پر کرارا جواب دیتے ہوئے کہا ہے کہ بھارت کا خواب بالی ووڈ فلم کے ذریعے ہی پورا ہوسکتا ہے۔
بھارتی فلم ساز سنجے لیلیٰ بھنسالی کی جانب سے بالا کوٹ حملے کے پس منظر میں فلم بنانے کا اعلان کیا گیا ہے جس کی ہدایات ابھیشک کپور دیں گے۔
ڈی جی آئی ایس پی آر میجر جنرل آصف غفور نے بالاکوٹ حملے پر فلم بنانے پر بھارتی فلم ساز کو کرارا جواب دیا اور کہا کہ بھارت کا خواب صرف فلم سے ہی پورا ہوسکتا ہے۔
With due respect to WC Abhinandan as a soldier, yes the dream could only be fulfilled through Bollywood. Denial of sham strike on 26 Feb and wreckage of 2 IAF jets shot by PAF on 27 Feb will haunt you despite that.
Film on Balakot airstrike and Abhinandan https://t.co/rsZtgNdenD
— Asif Ghafoor (@peaceforchange) December 13, 2019
میجر جنرل آصف غفور نے کہا کہ پاکستان ایئرفورس کے جوانوں کی جانب سے گرفتار کیے گئے بھارتی پائلٹ ابھی نندن کی وہ بطور سپاہی عزت کرتے ہیں لیکن بھارت کا جھوٹا خواب تو فلم کے ذریعے ہی پورا ہوسکتا ہے۔
انہوں نے لکھا کہ بالا کوٹ حملے کے حوالے سے بھارتی وزیر نے خود اعتراف کیا تھا کہ پاکستان کا کوئی نقصان نہیں ہوا اور عالمی برادری کو بھی اس حملے کے نقصانات کے شواہد نہیں ملے۔
یاد رہے کہ اس سے قبل بالی ووڈ اداکار ویویک اوبرائے بھی ونگ کمانڈر ابھی نندن ورتھمان پر بالاکوٹ کے عنوان سے فلم بنانے کا اعلان کرچکے ہیں۔
