ممبئی: بونی کپورفلم”نوانٹری” کے سیکوئل کے لیے بالی ووڈ اسٹار سلمان خان سے ملاقات کریں گے،فلم کی شوٹنگ کا اعلان بہت جلد کیا جائے گا.
تفصیلات کے مطابق پروڈیوسر بونی کپور بہت جلد سلمان خان سے ملاقات میں فلم نوانٹری کے سیکوئل پر بات چیت کریں گے اور فلم کی شوٹنگ کی تاریخ طے کی جائے گی.
بونی کپور کا کہنا تھا کہ سلمان خان ہی بتا سکتے ہیں کہ کب فلم نو انٹری کی شوٹنگ کی جائے گی،ان کا کہنا تھا ہم پہلے بھی مل چکے ہیں اور ہم نے فلم سے متعلق گفتگو کی تھی اور ہماری دوبارہ ملاقات طے تھی،بالی ووڈ پرڈیوسر نے بتایا کہ وہ اپنی فلم ”مام” کی شوٹنگ میں مصروف تھے،آئندہ ہفتوں میں ان کی سلمان خان سے ملاقات متوقع ہے.
ڈائریکٹر انیس بزمی نے فلم ”نو انٹری” کی کہانی سلمان خان کو ڈیڑھ سال پہلے سنائی تھی جسے سلمان خان نے بہت پسند کیا تھا.
بونی کپور کی فلم ”نوانٹری” کے سیکوئل میں نو اداکارائیں ہوں گی،لیکن ان کا کہنا تھا کہ پہلے ہم سلمان خان سے مشاورت کریں گے.
بالی ووڈ فلم ”نوانٹری” 2005 کی بلاک بسٹر فلم ہونے کے ساتھ ساتھ کامیڈی سے بھرپور تھی،فلم کی کاسٹ میں سلمان خان،ا نیل کپور، فردین خان، لارا دتہ،ایشا دیول،سیلنا جیٹلی، اور بپاشا باسو شامل تھے.
واضح رہے کہ سلمان خان ان دنوں اپنی فلم ”سلطان” کی پروموشن میں مصروف ہیں، اس کے بعد وہ ہدایت کار کبیر خان کی فلم میں جلوہ گر ہوں گے.
