تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

جم میں ورزش کے دوران اداکاروں کی موت کی اصل وجہ کیا؟سنیل شیٹی نے بتا دیا

ممبئی: بالی ووڈ کے سن 19 سو کی دہائی کے معروف ہیرو سنیل شیٹی نے اداکاروں کی جِم میں ورزش کے دوران اموات اور ہارٹ اٹیک کی وجہ بتا دی۔

سنیل شیٹی نے حالیہ دنوں میں بالی ووڈ کے متعدد اداکاروں کی جِم میں اموات اور ہارٹ اٹیک کے راز سے پردہ اُٹھاتے ہوئے بتایا کہ ’اداکار یا عام لوگوں کی اس طرح موت کی وجہ ورزش نہیں بلکہ سپلیمنٹس میں ہے جو اب بڑے پیمانے پر استعمال کیا جاتا ہے‘۔

ان کا کہنا تھا کہ ’سپلیمنٹس اور اسٹیرائڈز جو فنکار استعمال کرتے ہیں وہ ان کی موت کا سبب بن رہا ہے جس سے ہارٹ فیل ہوتا ہے نہ کہ ہارٹ اٹیک‘۔

انہوں نے کہا کہ ’صحیح کھانا اور سونا یہ تمام چیزیں صحت بہتر کرنے میں کردار ادا کرتی ہیں صحیح کھانے سے مطلب پرہیز کرنا نہیں ہے بلکہ صحیح کھانے سے میرا مطلب ہے غذائیت کا صحیح ہونا ضروری ہے‘۔

سنیل شیٹی نے سوال اُٹھایا کہ کیا جم مناسب احتیاطی تدابیر اختیار کر تے ہیں؟ کیا وہ اپنے گاہکوں کو سخت مشقوں اور مشینوں پر لگانے سے پہلے کوئی چیک اور بیلنس کرتے ہیں؟

واضح رہے کہ حالیہ دنوں میں بھارت میں اداکاروں کی جِم میں ورزش کے دوران اموات نے سب کو تشویش میں مبتلا کر دیا ہے۔

Comments

- Advertisement -