جمعرات, مئی 23, 2024
اشتہار

افغان صوبے مزار شریف میں دھماکا، صحافیوں کی بڑی تعداد اور علمائے کرام زخمی

اشتہار

حیرت انگیز

کابل : افغان صوبے بلخ کے دارالحکومت مزار شریف میں کلچرل سینٹر میں پریس کانفرنس کے دوران دھماکا ہوا، جس سے صحافیوں کی بڑی تعداد اور علمائے کرام زخمی ہوگئے۔

تفصیلات کے مطابق افغانستان کے صوبہ بلخ کے دارالحکومت مزار شریف میں کلچرل سینٹر میں دھماکا ہوا۔

مزارشریف میں پریس کانفرنس کے دوران دھماکا ہوا ،جس کے نتیجے میں صحافیوں کی بڑی تعداد اور علمائے کرام زخمی ہوگئے۔

- Advertisement -

زخمیوں کو اسپتال منتقل کردیا گیا تاہم اموات زیادہ ہونے کا خدشہ ہے، سیکیورٹی فورسز نے علاقے میں گھیرے میں لے لیا۔

خبر رساں ادارے روئٹرز کے مطابق پولیس ترجمان محمد آصف وزیری نے دھماکے کی تصدیق کرتے ہوئے بتایا کہ زخمیوں میں تین بچے بھی شامل ہیں۔

ابتدائی طور پر 10 افراد کے زخمی ہونے کی خبریں سامنے آ رہی ہیں تاہم عرب میڈیا سے گفتگو کرتے ہوئے افغانستان کی حکومت کے ایک عہدیدار کا کہنا تھا کہ اس دھماکے میں کئی افراد جاں بحق اور زخمی ہوئے ہیں۔

یاد رہے جمعرات کو بلخ کے گورنر محمد داؤد مزمل کے دفتر میں بم دھماکہ ہوا تھا، جس میں ان سمیت طالبان کے ایک اہم کمانڈر ہلاک ہو گئے تھے۔

طالبان حکام کی جانب سے اس واقعے کی تحقیقات جاری تھیں کہ آج ایک اور دھماکہ ہو گیا ہے۔

محمد داؤد مزمل کی ہلاکت کی ذمہ داری دہشت گرد تنظیم داعش نے قبول کی تھی۔

واضح رہے افغانستان پر طالبان کا کنٹرول سنبھالنے کے بعد داعش کے حملوں میں خاطر خواہ اضافہ ہوا ہے، جس سے سکیورٹی صورتحال خراب ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں