ممبئی : بالی ووڈ کے دو نامور اداکار ایک ساتھ ممبئی کی سڑکوں پر گھومتے رہے، بالی ووڈ سپر اسٹارز شاہ رخ خان اور سلمان خان ماحولیاتی آلودگی کیخلاف ایک ہوگئے۔
کنگ خان نے سماجی رابطے کی ویب سائٹ ٹوئٹر پر ایک تصویر شیئر کی ، جس میں وہ سلمان خان کے ساتھ نظر آرہے ہیں۔ تصویر میں دیکھا جا سکتا ہے کہ شاہ رخ خان اور سلمان خان سائیکل پر بیٹھ کر پوز دے رہے ہیں۔
شاہ رخ خان نے تصویر شیئر کرتے ہوئے لکھا کہ بھائی بھائی اپنی سائیکلوں پر سوار ہیں، کوئی فضائی آلودگی نہیں۔
Bhai bhai on bike bike. No pollution…bhai says “Michael Lal Cylcle Lal.” pic.twitter.com/GdD6RwSe9V
— Shah Rukh Khan (@iamsrk) July 1, 2016
تصویر میں شاہ رخ خان سفید شرٹ، نیلی جینز اور ویسٹ کوٹ میں ملبوس ہیں جبکہ سلمان خان نے کالی شرٹ اور جینز پہن رکھی ہے۔
بالی ووڈ اسٹارز نے پیغام دیا ہے کہ سائیکل کے استعمال کے ذریعے ماحولیاتی آلودگی میں کمی کی جائے۔
واضح رہے کہ ماضی میں دونوں سٹارز میں کافی کشیدگی پائی جاتی تھی، دونوں کے درمیان بات چیت تک نہیں ہوتی تھی لیکن اب ایسا لگتا ہے کہ دونوں پھر سے دوست بن گئے ہیں۔
یاد رہے کہ اج کل سلمان خان کو مشکلات اپنے بیان پر مشکلات کا سامنا ہے، ایک انٹرویو کے دوران اپنی آنے والی فلم ’سلطان‘ سے متعلق سلمان کا کہنا تھا کہ ’جب میں شوٹنگ کے بعد رنگ سے باہر آتا تھا تو اپنے آپ کو زیادتی کی شکار ایک عورت کی طرح محسوس کرتا تھا۔ جو سیدھا چل بھی نہیں پاتی۔
