لندن: برطانوی وزیراعظم بورس جانسن نے لاک ڈاؤن ختم کرنے کا فیصلہ 4 ہفتے کے لیے موخر کردیا۔
اے آر وائی نیوز کے مطابق برطانوی وزیر اعظم بورس جانسن نے میڈیا سے گفتگو کرتے ہوئے کہا کہ 21 جون سے لاک ڈاؤن سے نکلنے کی منصوبہ بندی ملتوی کردی گئی ہے اب لاک ڈاؤن پابندیاں 19 جولائی سے ختم کی جائیں گی۔
انہوں نے بتایا کہ لاک ڈاؤن کے خاتمے میں چار ہفتوں کی تاخیر کی ہے صورت حال کا روزانہ کی بنیاد پر جائزہ لیتے رہیں گے۔
بورس جانسن کاکہنا ہے کہ کورونا کیسز کی صورت حال بہتر ہوئی تو 19 جولائی سے پہلے بھی لاک ڈاؤن ختم کرسکتے ہیں۔
واضح رہے کہ گزشتہ دنوں برطانوی وزیراعظم نے کورونا وائرس کی بھارتی قسم کو لاک ڈاؤن نرمی کے راستے میں رکاوٹ قرار دیا تھا۔
بورس جانسن کا کہنا تھا کہ کرونا وائرس کی مہلک وبا کی بھارتی قسم برطانیہ میں وبا کی تیسری لہر کا باعث بن سکتی ہے۔
پروفیسر کرس وٹی کا کہنا تھا کہ انڈین ویرئینٹ برطانوی ویرئینٹ سے زیادہ تیزی سے پھیلتا ہے، برطانیہ میں 21 جون کو لاک ڈاؤن میں بڑی نرمی ہونے جارہی ہے لیکن بھارتی ویرئینٹ کی وجہ سے لاک ڈاؤن میں نرمی خطرے میں پڑسکتی ہے۔
پروفیسر کرس وٹی کا کہنا تھا کہ کرونا وائرس سے بچاؤ کےلیے ویکسین کی دوسر ڈوز 12 کے بجائے 8 ہفتے میں لگائی جائے گی۔
