نیویارک: پاکستانی نژاد برطانوی باکسر عامر خان کو امریکی ایئرلائن نے عین پرواز کے وقت جہاز سے اتار دیا۔
اے آر وائی نیوز کو موصول ہونے والی اطلاعات کے مطابق عامر خان نیویارک سے کولوراڈو اسپرنگ جانے والی پرواز میں سوار ہوئے تو عملے نے اُن کی انتظامیہ سے شکایت کی۔
عملے کی شکایت پر انتظامیہ نے انہیں عین پرواز کے وقت جہاز سے آف لوڈ کردیا گیا۔
اس حوالے سے عامر خان نے سماجی رابطے کی ویب سائٹ پر اپنی ویڈیو شیئر کی جس میں انہوں نے اپنے ساتھ پیش آنے والے واقعے سے متعلق بتایا۔
عامرخان نےکہا کہ ’مجھے اور دوست کو ماسک درست نہ ہونے کی شکایت پر جہاز سے اتارا گیا، اس بات پر مجھے بہت زیادہ کھ ہے کیونکہ ایسا پہلے واقعہ پہلے کبھی پیش نہیں آیا‘۔
Disgusted to be banned by @AmericanAir and @traveloneworld for not been able to fly to training camp, i got escorted by police off the plane for no reason. I would like to see evidence for any wrong doings! #AAteam #Notallterrorists pic.twitter.com/dL3UfFcYYl
— Amir Khan (@amirkingkhan) September 18, 2021
انہوں نے کہا کہ ’ہم نے فیس ماسک لگایا ہوا تھا مگر میرے ساتھی کا ماسک چہرے سے تھوڑا نیچے تھا، جس پر عملے نے شکایت کی، ہم نے ایسا کوئی غلط کام نہیں کیا اور ایئرلائن کو ویڈیو چیک کرنے کا بھی کہا مگر ہماری شنوائی نہیں ہوئی‘۔
عامر خان نے بتایا کہ ’امریکی ایئرلائن نے پابندی عائد کردی ہے، اب وہ دوسری پرواز سے ٹریننگ کیمپ جوائن کرنے جارہے ہیں‘۔
