The news is by your side.

اے آر وائی نیوز کی بندش پر باکسر محمد وسیم کا سخت ردعمل

کوئٹہ: اے آر وائی نیوز کا این او سی بغیر نوٹس منسوخ کرنے اور چینل کی بندش کے خلاف پاکستان کے عالمی شہرت یافتہ باکسر محمد وسیم نے سخت ردعمل کا اظہار کیا ہے۔

باکسر محمد وسیم نے اپنے بیان میں مطالبہ کیا کہ اے آر وائی نیوز کی نشریات فوری بحال کی جائے، اے آر وائی نیوز نے ہمیشہ سوسائٹی اور اسپورٹس کے لیے مثبت اقدام کیے۔

گزشتہ روز وزارت داخلہ کی جانب سے سکیورٹی ایجنسیوں کی منفی رپورٹس پر چینل کا این او سی بغیر کسی نوٹس منسوخ کر دیا گیا تھا۔

اے آر وائی نیوز براہِ راست دیکھیں: live.arynews.tv

تاہم آج سندھ ہائی کورٹ نے این او سی منسوخی کے نوٹی فکیشن کو معطل کرتے ہوئے 17 اگست کے لیے فریقین کو نوٹس جاری کر دیا ہے۔

وکیل اے آر وائی بیرسٹر ایان کا کہنا ہے کہ عدالت کے سامنے آج کچھ مواد پیش نہیں کیا گیا، عدالت نے دوسرے فریق کا مؤقف سننے کے بعد نوٹی فکیشن معطلی کا حکم جاری کیا۔

Comments

یہ بھی پڑھیں