لندن: برطانیہ میں والدین پر قیامت ڈھا گئی، کمسن بچہ کینسر سے ہلاک ہوگیا۔
غیرملکی خبررساں ادارے کی رپورٹ کے مطابق 4 سالہ ننھا بچہ مہلک کینسر ’برین ٹیومر‘ کے باعث ابدی نید سوگیا، جان لیوا مرض کے نتیجے میں بچے کے منہ کا نقش بھی تبدیل ہوچکا تھا۔ جیک لیسی نامی کمسن برطانوی شہر شیفیلڈ سے تعلق رکھتا تھا جسے کینسر کی تشخیص گزشتہ سال ہوئی تھی۔
برین ٹیومر کے باعث بچے کا منہ ایک جانب مڑ چکا تھا، سٹی اسکین کے بعد ڈاکٹروں نے افسوس ناک خبرسناتے ہوئے کہا تھا کہ جیک لیسی کو برین کینسر ہے اور وہ بہت کم عرصے ہی زندہ رہ پائے گا۔ رپورٹ کے مطابق بچے کے دماغ کے اس حصے پر برین ٹیومر ہوا تھا جس کا علاج ہی ناممکن تھا۔
اس بھیانک خبر کے بعد والدین نے بچے کو خوشگوار زندگی فراہم کی، تفریحی مقامات پر لے جانا روز کا معمول بن چکا تھا۔ استطاعت نہ ہونے کے باعث کئی لوگوں نے والدین کی مالی مدد بھی کی، جیک لیس کا بچنا نہ ممکن تھا جس کے باعث ایسے اقدامات کیے جارہے تھے۔
کمسن کو مختلف ممالک کا بھی دورہ کرایا گیا جہاں وہ بھرپور زندگی سے لطف اندوز ہوا اور بالاآخر جیک لیسی اتوار کے روز ہمیشہ کے لیے اس دنیائے فانی سے کوچ کرگیا، غریب خاندان نے تمام ایسے افراد کا خصوصی شکریہ ادا کیا جس نے بچے کی خوشیاں میں حصے ڈالنے کی بھرپور انداز میں کوشش کی۔
