ماں اگلی سیٹ پر بیٹھی منشیات استعمال کرتی رہی اور کمسن بیٹا پچھلی سیٹ پر بندوق سے کھیلتا ہوا ہلاک ہوگیا۔
غیر ملکی میڈیا کے مطابق والدین کی غفلت و لاپرواہی کا یہ واقعہ امریکی ریاست لوزینیا کے شہر نیو اولینز میں پیش آیا جس میں چار سالہ بچے نے والد کی بندوق سے خود کو گولی مار لی۔
رپورٹ میں بتایا گیا ہے کہ بچہ گاڑی کی پچھلی سیٹ پر بیٹھ کر اپنے ڈھائی سالہ بھائی کے ہمراہ کھیل رہا تھا کہ کھیل کھیل میں بچے نے والد کی پستول سر پر رکھ کر چلا دی۔
واقعے کے دوران ماں کسی شخص کیساتھ گاڑی کی سیٹ پر بیٹھی چرس پی رہی تھی، اس دوران اسے گولی چلنے کی آواز سنائی دی، خاتون نے پیچھے مڑکر دیکھا تو بچہ شدید زخمی حالت میں پڑا تھا۔
خاتون بچے کو لیکر اسپتال پہنچی تاہم وہ زخموں کی تاب نہ لاتے ہوئے راستے میں ہی دم توڑ چکا تھا۔
