واشنگٹن : امریکا میں پانچ سالہ بچے نے اپنے چھوٹے بھائی کو گولی مار کر قتل کردیا، حادثے کے وقت والدہ گھر میں سورہی تھی۔
تفصیلات کے مطابق یہ افسوس ناک واقعہ امریکی ریاست ٹیکساس کے علاقے فورٹ ورتھ میں پیش آیاجب دو کمسن بھائیوں کو بھر میں کھیلتے ہوئے ایک پستول پڑی ملی جس کے بعدبڑے بھائی نے 4 سالہ بچے کو گولی مار قتل کردیا۔
غیرملکی خبر رساں ادارے کا کہنا تھا کہ گھر میں سوتی ہوئی والدہ گولی کی آواز سن کر بیدار ہوئی تو چھوٹے بیٹے کوانتہائی تشویشناک حالت میں پایا اور فوری طور پر قریبی اسپتال منتقل کرنے کی کوشش کی تاہم بچہ زخموں کی تاب نہ لاتے ہوئے راستے میں ہی ہلاک ہوگیا۔
پولیس کا کہنا تھا کہ وہ مقتول کے والدین کے خلاف فلاالحال کوئی مقدمہ درج نہیں کریں گے کیونکہ یہ واقعہ والدین کے لیے انتہائی حیران کن اور تکلیف دہ ہے۔
امریکی خبر رساں ادارے کا کہنا تھا کہ اس دن علاقے میں فائرنگ و چاقو زنی کے مزید دو واقعات پیش آئے تھے، ایک واقعے میں 6 سالہ بچہ اندھی گولی کا نشانہ بنا تھا جسے انتہائی تشویش ناک حالت میں اسپتال منتقل کیا گیا تھا جبکہ دوسرے واقعے میں ایک تین سالہ بچے کو تیز دھار آلے سے تشدد کا نشانہ بنایا گیا تاہم مذکورہ بچہ اسپتال میں زیر علاج ہے۔
