راولپنڈی میں ڈمپر نے موٹر سائیکل اور رکشے کو ٹکر مار دی جس کے نتیجے میں 2 افراد جاں بحق جب کہ دو ہی زخمی ہو گئے۔
اے آر وائی نیوز کے مطابق یہ افسوسناک حادثہ راولپنؔڈی کے جی پی او چوک کے قریب پیش آیا جہاں ڈمپر نے رکشے اور موٹر سائیکل کو ٹکر مار دی جس کے نتیجے میں لڑکا اور لڑکی جاں بحق جب کہ دو افراد زخمی ہوگئے۔
حادثے کے فوری بعد ڈرائیور ڈمپر چھوڑ کر موقع سے فرار ہو گیا، جب کہ حادثے کی اطلاع ملتے ہی ریسکیو ادارے جائے حادثہ پر پہنچ گئے۔ لاشوں اور زخمیوں کو قریبی اسپتال منتقل کیا
پولیس کے مطابق ڈمپر کو تحویل میں لے لیا ہے جب کہ حادثے کی وجوہات معلوم کی جا رہی ہیں۔
واضح رہے کہ تیز رفتار ڈمپر سمیت دیگر ہیوی ٹریفک ملک بھر کی سڑکوں پر دندناتے پھر رہے اور شہریوں کو کچل رہے ہیں۔
خاص طور پر ملک کے سب سے بڑے شہر کراچی میں یہ حادثات تو روز کا معمول بن گئے ہیں اور رواں برس کے ابتدائی 4 ماہ میں 150 زائد افراد ان خونیں حادثات کی بھینٹ چڑھ چکے ہیں۔ مرنے والوں میں خواتین بچوں بوڑھوں سمیت نومولود اور وہ بچے بھی شامل ہیں جنہوں نے ابھی دنیا میں آنکھ کھولنی تھی۔
