The news is by your side.

Advertisement

ویڈیو گیم سے متاثر 11سالہ لڑکے نے استانی کو مار کر خودکشی کر لی

ٹورین: میکسیکو میں ایک 11 سالہ طالبعلم نے ویڈیو گیم سے متاثر ہو کر اسکول میں خاتون ٹیچر کو قتل کرنے کے بعد خودکشی کر لی۔

بین الاقوامی میڈیا رپورٹس کے مطابق یہ افسوسناک واقعہ ٹورین شہر میں واقع کولیگو سروینٹس پرائیویٹ اسکول میں پیش آیا جہاں 11 سالہ طالبعلم گھر سے دو ہتھیار لے کر اسکول میں داخل ہوا اور وہاں موجود لیڈی ٹیچر کو موت کے گھاٹ اتار دیا جب کہ فائرنگ کر کے مزید 5 افراد کو زخمی کرنے کے بعد اپنی زندگی کا خاتمہ کر لیا۔

ٹورین شہر کے میئر زرمینو نے میڈیا سے بات کرتے ہوئے بتایا کہ یہ ایک سانحہ ہے جو بہت زیادہ افسردہ کر دینے والا ہے، ایک 11 سال کا کمسن لڑکا دو ہتھیاروں سے مسلح ہو کر اسکول میں داخل ہوتا ہے اور اندھا دھند فائرنگ کر کے جان لے لیتا ہے۔

مقامی شہر کے گورنر نے میڈیا کو بتایا کہ لڑکے کی والدہ کا چند سال قبل انتقال ہوگیا تھا تاہم اس کا رویہ دوستانہ تھا، واقعے کے روز لڑکے نے ہم کلاس طالبعلموں سے کہا کہ “آج کا دن ہے” اور پھر وہ ہوا جس کی کسی کو توقع نہیں تھیں۔

ان کا کہنا تھا کہ لگتا ہے کہ لڑکا فرسٹ پرسن شوٹر گیم سے متاثر تھا اور اس نے گیم کو حقیقی بنانے کے لیے خود کو اسی کردار میں ڈھال لیا تھا۔

fb-share-icon0
Tweet 20

Comments

comments

یہ بھی پڑھیں