انٹرنیٹ پر ایک ایسے بچے کی ویڈیو وائرل ہوئی ہے جس نے حیرت انگیز طور پر بڑی تیزی سے رد عمل دکھاتے ہوئے سیڑھی پر چڑھی اپنی ماں کو گرنے سے بروقت بچا لیا۔
آپ نے سنا ہوگا کہ بچے خدا کا تحفہ ہوتے ہیں، انٹرنیٹ پر ایک وائرل ویڈیو میں ایک ذہین بچے نے اپنے ’تیز ترین ایکشن‘ کے ذریعے ماں کو بڑی چوٹ سے بچا کر اسے عملاً ثابت کیا۔
یہ ویڈیو انڈین پولیس سروس کے ایک افسر دیپانشو کابرا نے جمعہ کی صبح ٹوئٹر پر شیئر کی ہے، جس میں دیکھا جا سکتا ہے کہ ایک خاتون گیراج کے دروازے کی مرمت کے دوران سیڑھی گرنے کی وجہ سے لٹک گئی تھیں، کہ ان کے بیٹے کی نگاہ ان پر پڑ گئی۔
ویڈیو میں دیکھا جا سکتا ہے کہ جب سیڑھی گر گئی تو ماں کی چیخ سن کر بچہ پریشان ہو گیا اور چند لمحوں کے لیے اپنی جگہ ساکت رہا، پھر وہ تیزی سے دوڑا اور بھاری سیڑھی اٹھانے کے لیے اپنا پورا زور لگانے لگا۔
माँ गैराज का दरवाज़ा रिपेयर कर रहीं थी कि तभी उनकी सीढ़ी गिर गयी. माँ ऊपर लटके देख नन्हे जांबाज़ ने पूरी जान लगाकर सीढ़ी को वापस लगाकर उनक़ी मदद क़ी…
इस छोटे बच्चे क़ी सूझ-बूझ और हिम्मत क़ी जितनी प्रशांसा क़ी जाए कम है. pic.twitter.com/GjX6Ol3pid
— Dipanshu Kabra (@ipskabra) December 23, 2022
ویڈیو دیکھتے ہوئے ایسا لگتا ہے کہ بچہ سیڑھی نہیں اٹھا پائے گا لیکن پھر اس نے ہمت نہ ہارتے ہوئے پورا زور لگایا اور سیڑھی اٹھا لی، جس پر اس کی ماں گرنے سے بچ گئیں۔
انٹرنیٹ پر یہ ویڈیو بڑی تیزی سے وائرل ہوئی، صارفین نے بچے کی ذہانت اور ہمت کی بہت داد دی، اور اسے ہیرو قرار دے دیا۔ اب تک اس ویڈیو کو تقریباً ڈھائی لاکھ مرتبہ دیکھا جا چکا ہے، اور 6 ہزار کے قریب لوگوں نے اسے لائک کیا۔
