بھارت کی ریاست تلنگانہ میں کم عمر لڑکے نے خودکشی کر لی جس کی وجہ جاننے کیلیے پولیس نے تحقیقات کا آغاز کر دیا۔
مقامی میڈیا کی رپورٹس کے مطابق اتوار کی صبح اودئے نامی نابالغ لڑکے نے کئی گھنٹے تک یوٹیوب پر ویڈیوز دیکھنے کے بعد خود کو ایک کمرے میں لاک کر دیا۔
اس کی والدہ سنگیتا نے گھر میں بیٹے کو ہر جگہ تلاش کیا لیکن وہ کہیں نظر نہیں آیا۔ پھر ان کی نظر کمرے پر پڑی جس کا دروازہ اندر سے لاک تھا۔
خاتون نے پڑوسیوں کی مدد سے دروازہ توڑا تو بیٹے کو پھانسی کے پھندے پر لٹکتا دیکھ کر چیخ اٹھیں۔ اودئے کو فوری طور پر اسپتال منتقل کیا گیا لیکن بہت دیر ہو چکی تھی۔ ڈاکٹروں نے معائنہ کرنے کے بعد اس کو مردہ قرار دے دیا۔
پولیس کے مطابق اودئے کے خودکشی کرنے کی وجہ کا تعین نہیں ہو سکا، چھان بین کی جائے گی کہ اس نے یوٹیوب پر ایسی کون سی ویڈیوز دیکھیں کہ جو انتہائی قدم اٹھا لیا۔
