ڈھاکا: بنگلہ دیش پریمیئر لیگ (بی پی ایل) میں پاکستانی فاسٹ بولر وہاب ریاض اور پاور ہٹر آصف علی نے دھوم مچادی۔
تفصیلات کے مطابق بنگلہ دیش پریمیئر لیگ میں وہاب ریاض نے تباہ کن بولنگ کرتے ہوئے اپنی ٹیم کھلنا پلاٹون کو کامیابی دلادی، آصف علی نے ناقابل شکست برق رفتار اننگز کھیلی۔
بی پی ایل میں گزشتہ روز وہاب ریاض کی بولنگ کی بدولت مخالف ٹیم 100 رنز پر ڈھیر ہوگئی، وہاب ریاض نے 3.4 اوورز میں 8 رنز دے کر 5 کھلاڑیوں کو پویلین کی راہ دکھائی جو ان کا کیریئر بیسٹ اسپیل ہے۔
دوسری جانب آصف علی کے بلے نے بھی خوب رنز اگلے انہوں نے 4 چھکوں اور 4 چوکوں کی مدد سے ناقابل شکست 55 رنز اسکور کیے۔
FIFER…!!! @WahabViki 👏👏👏🙌 #BPLseason7@AmeemHaq @FlaminkoIncpic.twitter.com/8JLEU5be2Z
— Thakur (@ThakurHassam94) December 30, 2019
آصف علی کی دھواں دھار اننگز کی بدولت ڈھاکا پلاٹون نے راج شاہی رائلز کو 74 رنز سے شکست دی۔
واضح رہے کہ بنگلہ دیش پریمیئر لیگ میں قومی کرکٹ ٹیم کے متعدد کھلاڑی شرکت کررہے ہیں جن میں وہاب ریاض، جنید خان، محمد عرفان، شعیب ملک، شاہد آفریدی، آصف علی ودیگر شامل ہیں.
بی پی ایل میں شاہد خان آفریدی نے گزشتہ دنوں شاندار بولنگ کرتے ہوئے 2 وکٹیں حاصل کی تھیں جبکہ ایک میچ میں انہوں نے صفر پر آوٹ ہوکر منفی ریکارڈ بھی بنایا تھا.
