The news is by your side.

Advertisement

بریڈفورڈ میں کورونا کی بھارتی قسم نے خطرے کی گھنٹی بجا دی

ایشیائی اکثریت والے برطانوی شہر بریڈفورڈ میں کورونا وائرس کی بھارتی قسم نے خطرے کی ‏گھنٹی بجا دی۔

نمائندہ اے آر وائی نیوز کے مطابق بریڈفورڈ میں کوروناوائرس کے بھارتی ویئرینٹ کی تصدیق ہونے پر ‏شہریوں کو ٹیسٹنگ کی ہدایات جاری کی گئی ہیں۔

برطانوی محکمہ صحت نے بڑے پیمانے پر ٹیسٹنگ کا فیصلہ کیا ہے اور شہریوں سے کہا ہے کہ وہ ‏فوری ٹیسٹ کروائیں، علامات نہ ہونےکی صورت میں بھی ٹیسٹ کرانےکی ہدایات کی گئی ہے۔

شہریوں سے کہا گیا ہے کہ اگر وہ کورونا سے صحت یاب ہو چکے ہیں یا ویکسینیشن کروا چکے ‏ہیں اس کے باوجود وہ کورونا ٹیسٹنگ ضرور کروائیں۔

محکمہ صحت کا کہنا ہے کہ بھارتی قسم سے متاثرہ شخص کو 10 روز سے کے لیے آئیسولیشن ‏اختیار کرنا ہوگی۔

رکن پارلیمنٹ ناز شاہ کا کہنا ہے کہ جہاں کیسز کی تصدیق ہوئی وہاں کے رہائشی جلدٹیسٹ ‏کرائیں، مقامی کونسل اور محکمہ صحت سےاس عمل کو تیز کرنےکی بات کروں گی۔

بریڈفورڈ میں سوا لاکھ سے زائد پاکستانی آباد ہیں جب کہ بھارتی اور بنگلادیشی شہریوں کی بڑی ‏تعداد بھی مقیم ہے۔

Comments

یہ بھی پڑھیں