کراچی: شہر قائد میں بس کے بریک فیل ہونے پر حادثہ پیش آیا ہے، کورنگی صنعتی ایریا شان چورنگی پر بس نالے میں گر گئی۔
تفصیلات کے مطابق کراچی کے علاقے کورنگی میں ایک تیز رفتار بس بے قابو ہو کر کورنگی صنعتی ایریا شان چورنگی میں نالے میں گر گئی۔
ریسکیو ذرائع کا کہنا ہے کہ بس میں کمپنی ملازمین فیکٹری جا رہے تھے، تمام ورکرز محفوظ رہے، کسی کے بھی زخمی ہونے کی اطلاع نہیں ہے۔
ریسکیو ذرائع کے مطابق حادثہ بس کے بریک فیل ہونے کے باعث پیش آیا، بس کو کرین کی مدد سے نکالا جا رہا ہے، جب کہ واقعے کے باعث اطراف کی سڑکوں پر ٹریفک جام ہو گیا۔
