بڑی خرابی کی نشاندہی: معروف کمپنی نے لاکھوں گاڑیاں واپس منگوا لیں

معروف کار ساز جرمن کمپنی مرسڈیز بنز نے خرابی سامنے آنے پر صارفین سے لاکھوں گاڑیاں واپس منگوالیں۔

خبر رساں ادارے کے مطابق مرسڈیز نے تکنیکی خرابی پر دنیا بھر سے لاکھوں گاڑیاں واپس منگوائی ہیں۔ یہ گاڑیاں 7 سے 8 سال پرانے ماڈل کی ہیں۔

فیڈرل ٹرانسپورٹ اتھارٹی کا کہنا ہے کہ مرسڈیز بینز کے بریکنگ سسٹم میں ممکنہ خرابی کے پیش نظر دنیا بھر سے 10 لاکھ گاڑیاں واپس منگوائی جارہی ہیں۔

اتھارٹی کا کہنا ہے کہ واپس منگوائی جانے والوں کی مجموعی تعداد 9 لاکھ 93 ہزار 407 ہیں جس میں 70 ہزار گاڑیاں جرمنی میں موجود ہیں۔

جو گاڑیاں واپس منگوائی گئی ہیں وہ 2004 سے 2015 کے درمیان تیار کر دہ ہیں۔ کمپنی کا کہنا ہے کہ وہ متاثرہ گاڑیوں کے مالکان سے رابطہ کر رہے ہیں اور ضروری مرمت اور پرزوں کی تبدیلی کی جائے گی۔

Comments