The news is by your side.

Advertisement

غوطہ خوروں نے وہیل مچھلی کی جان کیسے بچائی؟ ویڈیو وائرل

انسانوں سے ہمدردی اور محبت کی کئی مثالیں دیکھنے کو ملتی ہیں لیکن اس دنیا میں ایسے لوگ بھی ہیں جنہیں دیگر مخلوقات سے بھی دلی لگاؤ ہوتا ہے۔

اسی ضمن میں ایک ویڈیو سوشل میڈیا پر وائرل ہے جس میں غوطہ خوروں کو وہیل مچھلی کی جان بچاتے ہوئے دیکھا گیا، کیمرے کی آنکھ میں قید مناظر دیکھ کر صارفین ورطہ حیرت کا شکار ہوگئے۔

ایک رپورٹ کے مطابق وہیل مچھلی سمندری میں مضبوط رسی سے جکڑی ہوئی تھی جس کے باعث اس کی کھال پر بھی شدید زخم آئے، اس رسی کے سبب اسے دشواریوں اور رکاوٹوں کا سامنا کرنا پڑتا تھا تاہم رحم دل ماہرین نے آبی مخلوق کی جان بچا لی، ویڈیو سوشل میڈیا پر وائرل ہوگئی۔

رپورٹ میں بتایا گیا کہ یہ واقعہ سال 2019 کا ہے کہ جب غوطہ خوروں کی ایک ٹیم سیاحوں کو تیراکی سکھا رہی تھی کہ اس دوران انہیں موت سے جنگ لڑتی مچھلی دکھائی دی۔

ٹیم کے ماہرین نے فوری طور پر ریسکیو آپریشن شروع کیا، غوطہ خوروں نے تیز دھار آلے کی مدد سے وہیل کے جسم پر لپٹی رسی کو کاٹا جس سے وہیل کو راحت ملی۔

بعد ازاں وہیل اپنے راستے ہوچلی، ویڈیو میں وہیل کے زخم بھی دیکھے جاسکتے ہیں۔

Comments

یہ بھی پڑھیں