The news is by your side.

Advertisement

بہادر خاتون نے بیٹی کے قاتل ڈرامائی انداز میں پکڑوا دیئے

میکسکو : امریکہ کی ایک بہادر خاتون نے اپنی جان پر کھیل پر بیٹی کے اغواء اور قتل میں ملوث ملزمان کو کیفر کردار تک پہنچا دیا تاہم اسے اس کی بہت بڑی قیمت چکانا پڑی۔

امریکی ریاست میکسیکو میں نامعلوم مسلح افراد نے مقامی خاتون مریم روڈ ریگز کی20سالہ بیٹی ایلیحینڈرا سیلیناس روڈریگز کو اغواء کرلیا، یہ واقعہ سال2012میں پیش آیا۔

واردات کے بعد خطرناک ڈاکوؤں نے خاتون سے تاوان کیلئے فون پر رابطہ کیا اور بیٹی کی زندگی کے عوض بڑی رقم کا مطالبہ کیا تاہم رقم اور ادائیگی کے تمام تر انتظامات کے باوجود سفاک ڈاکوؤں نے مغویہ کو قتل کردیا۔

مقتولہ کی ماں56 سالہ مریم کو اس بات کا شدید صدمہ تھا، اس نے تہیہ کیا کہ چاہے کچھ بھی وہ ان قاتلوں کو نہیں چھوڑے گی، اس مقصد کیلئے خاتون نے کسی پیشہ ور جاسوس کی طرح ڈرامائی انداز میں اپنا حلیہ اور شناخت تک تبدیل کردی۔

اتنا ہی نہیں مریم نے ایک پستول خریدا، بعد ازاں ایک وقت میں اس نے ایک مجرم کا سراغ لگایا یہاں تک کہ کئی مقامات پر اسے رشوت بھی دینا پڑی اس کے علاوہ مشکوک افراد کا آن لائن تعاقب بھی کیا۔

غیر ملکی خبر رساں ادارے کے مطابق ایک وقت آیا کہ 56 سالہ مریم نے ایک مجرم کو ٹیکساس اور میکسیکو سرحد پر اپنے ہاتھوں سے قابو کیا اور اس پر ہتھیار تان لیا۔

بعد ازاں پولیس نے اس مجرم کو گرفتار کرلیا، اس کے بعد مریم نے مختلف اوقات میں10 مختلف قاتلوں کو بھی گرفتار کروایا جو اس کی بیٹی کے قتل میں ملوث تھے۔

بیٹی کے قاتلوں کو کیفر کردار تک پہنچانے کی قیمت اس نے 10مئی سال 2017میں ادا کی، جب جرائم پیشہ افراد نے اپنا بدلہ لیا۔

سان فرنینڈو میں واقع مریم کے گھر میں ایک حملہ آور داخل ہوا اور ایک ساتھ 12 گولیاں اس کے جسم میں اتار دیں اور56سالہ مریم نے موقع پر ہی دم توڑ دیا۔

Comments

یہ بھی پڑھیں