اسلام آباد کی بہادر خاتون نے کار چھیننے کی کوشش ناکام بنادی، گاڑی کا دورازہ بروقت کھول کر چور کے ارادوں پر پانی پھیردیا۔
اے آر وائی نیوز کے مطابق اسلام آباد کی بہادر خاتون نے سیکٹر بی 17 میں کار چھیننے کی کوشش ناکام بنادی، خاتون نے کار کا دروازہ زبردستی کھول کر چور کو بھاگنے سے روک دیا، خاتون کی چیخ و پکار سن کر گھر سے فیملی کے دیگر ممبران اور گارڈ بھی باہر آگیا۔
ویڈیو میں دیکھا جاسکتا ہے کہ ایک نامعلوم ملزم کار لے جانے کی کوشش کرتا ہے لیکن خاتون نے اسے گاڑی کا دروازہ بند نہیں کردنے دیا جس کے سبب ملزم گاڑی کو لے جانے میں ناکام رہا۔
ملزم کی جانب سے گاڑی لے جانے کی کوشش کے دوران وہاں گارڈ اور اہلخانہ بھی آگئے اور ملزم کو پکڑلیا جسے بعد میں پولیس کے حوالے کردیا گیا۔
بہادر خاتون کی دلیری کی وجہ سے گاڑی نہیں چھینی جاسکی، اسلام آباد کے علاقے بی 17 میں گھر کے سامنے ہی یہ واردات کی گئی تھی۔
