جمعرات, جولائی 25, 2024
اشتہار

انسٹاگرام کی شوقین بیوی نے منشیات فروش شوہر کو گرفتار کرادیا

اشتہار

حیرت انگیز

برازیل کا بدنام زمانہ منشیات ڈیلر اپنی بیوی کی بے وقوفی کی وجہ سے پکڑا گیا، جس نے انسٹا گرام پر سیر و تفریح کی تصاویر پوسٹ کیں۔

غیر ملکی خبر رساں ادارے کی رپورٹ کے مطابق پولیس منشیات فروش رونالڈ رولینڈ کو دو سال سے ڈھونڈ رہی تھی، جس کی گرفتاری اس کی انسٹاگرام کو پسند کرنے والی بیوی کی وجہ سے ممکن ہوا۔

50سالہ رونالڈ رولینڈ کو گزشتہ روز ساحلی قصبے کوسٹل ٹاؤن گواروجا سے گرفتار کیا گیا، اس پر بڑے پیمانے پر منی لانڈرنگ اور میکسیکو کے مختلف اڈوں کو بڑے پیمانے پر منشیات سپلائی کرنے کا الزام ہے، رولینڈ، ڈی لیما اور ان کی بیٹی سو رہے تھے جب وفاقی پولیس نے ان کی رہائش گاہ پر چھاپہ مارا۔

- Advertisement -

police

برازیلی میڈیا رپورٹ کے مطابق پولیس کو انتہائی امیر ترین منشیات ڈیلر رونالڈ کا سراغ لگانے میں آسانی ہوئی کیونکہ اس کی بیوی ڈی لیما مسلسل اپنے انسٹاگرام اکاؤنٹ پر تمام سرگرمیوں کی شوقیہ طور پر تصاویر پوسٹ کر رہی تھی۔

برازیل

وہ اپنے شوہر کے پیرس، دبئی، مالدیپ اور کولمبیا کے پرتعیش دوروں کی تصاویر شیئر کر رہی تھی، جس سے پولیس کو اس کے ٹھکانے کا پتہ لگانے میں مدد ملی۔

واضح رہے کہ یہ پہلی بار نہیں ہوا کہ رونالڈ کو اس کی بیوی کی سوشل میڈیا پر سرگرمی کی وجہ سے گرفتار کیا گیا ہے۔

de Lima

اس سے قبل رولان کو جولائی 2019 میں بھی ساؤ پالو سے گرفتار کیا گیا تھا جب وہ انٹرپول کو مطلوب تھا، اس کی سابقہ ​​بیوی نے سوشل میڈیا پر جہاں وہ جوڑا موجود تھا، ٹیگ کیا تھا۔ تاہم اسے اگلے سال رہا کر دیا گیا تھا۔

drug lord

وفاقی پولیس حکام کے مطابق 280 افسران نے سات ریاستوں میں چھاپے کے دوران آٹھ افراد جن میں رولان بھی شامل ہے، کو گرفتار کیا۔

چھاپے کے دوران 34لگژری کاریں، 2 نجی جیٹ طیارے، اعلیٰ معیار کی قیمتی ترین گھڑیاں، ہتھیار اور بڑی مالیت میں نقدی ضبط کی گئی ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں