برازیلیا: برازیل کے شہر ساؤ پالو میں مسلح افراد نے چار منٹ کے اندر کروڑوں کی ڈکیتی کی اور باآسانی فرار ہوگئے۔
میڈیا رپورٹس کے مطابق جمعے کی رات ساؤ پالو ائیرپورٹ پر پولیس کی وردی میں ملبوث 8 جدید اسلحے سے لیس افراد کارگو ایریا میں داخل ہوئے اور انہوں نے وہاں موجود سب کو یرغمال بنایا۔
پولیس حکام کے مطابق مسلح افراد نے کارگو ٹرک میں سونا لانے والے عملے کو بھی یرغمال بنایا اور تقریباً چار کروڑ ڈالر مالیت کا سونا بشمول قیمتیں دھاتیں چھین کر فرار ہوگئے۔ابتدائی تفتیش میں یہ بات سامنے آئی کہ مسلح افراد نے ٹرک لانے والے عملے کو جھگڑا کر کے روکا اور پھر انہیں ایک جگہ باندھ کر بیٹھا دیا۔
ٹرک کے اندر ساڑھے سات سو کلو سونا اور دیگر قیمتی اشیاء تھیں جبکہ مسلح افراد نقدی اور قیمتی دھاتیں بھی لے کر فرار ہوئے۔ ایئر پورٹ حکام کے مطابق مسلح ملزمان اپنے ساتھ عملے کے دو ارکان کو یرغمال بناکر بھی لےگئے، جبکہ واقعے میں کوئی زخمی نہیں ہوا۔
پولیس حکام کے مطابق ملزمان نے چار منٹ کے اندر پوری کارروائی کی اور اس دوران ایک گولی بھی نہ چلی، لوٹا گیا سونا بذریعہ جہاز زیورخ اور نیویارک جانا تھا۔
Vídeo gravado por câmera de segurança mostra ação de grupo que usou viatura clonada da PF para roubar uma tonelada de ouro no Aeroporto de Guarulhos pic.twitter.com/DdgYU6VBnE
— Jovem Pan News (@JovemPanNews) July 25, 2019
برازیل کی تحقیقاتی ایجنسی نے اس بات کا شبہ ظاہر کیا ہے کہ مسلح افراد کا تعلق بین الاقوامی گروہ سے ہے۔
