برازیل سے تعلق رکھنے والے اور سعودی فٹبال کلب الہلال کے سپر اسٹار فٹبالر نیمار جونیئر نے بیٹی کی پیدائش کا اعلان کیا ہے۔
غیر ملکی میڈیا رپورٹس کے مطابق سعودی فٹ بال کلب الہلال کے اسٹار فٹبالر اور ان کی گرل فرینڈ برونا بیانکارڈی کے ہاں ننھی پری کی آمد ہوئی ہے۔
View this post on Instagram
سوشل میڈیا پلیٹ فارم انسٹاگرام پر فٹ بالر اور ان کی گرل فرینڈ نے اپنی بیٹی کے ہمراہ چند تصاویر شیئر کیں اور ساتھ ہی بیٹی کے نام کے معنی بھی بتائے ہیں۔
برازیلین فٹ بالر نے بیٹی کی پیدائش کا اعلان ر کرتے ہوئے کہا کہ اپنی بیٹی کو اس دنیا میں خوش آمدید کہا اور اس کا نام بتاتے ہوئے لکھا کہ ہماری ’’ماوی‘‘ ہماری زندگی مکمل کرنے کے لئے پہنچ گئی ہے۔
انہوں نے مزید لکھا ہم آپ سے پہلے ہی بہت پیار کرتے ہیں، ہمیں بطور والدین منتخب کرنے کا شکریہ۔
